Inauteri egun ofizialei aurre hartuz, asteburu honetan ospatuko ditugu gurean inauteriak, ortziraletik igandera. Tarte horretan, gisa guztietako mozorroak ikusteko aukera izanen dugu. Aitzineko urteetan, erizainak eta gaixoak, mojak, pailazoak, hippie-ak, toreroak, bakeroak, dantzariak, trafikoko langileak... Denak elkarrekin ongi pasatzen ikusteko aukera izan dugu eta ea aurtengoan nor hurbiltzen den.
Ostiralean, otsailak 10, bazkaria izanen da Herriko Ostatuan eta ondotik, etxez etxe, gazteak eskean ibiliko dira herriko trikitilariekin. Gauean afaria izanen da Herriko Ostatuan.
Larunbatean, otsailak 11, Herriko Ostatuan gosaria izanen da eta behin indarrak hartuta, eskean ibiliko dira. Bazkaltzerako Herriko Ostatura bilduko dira berriz eta gero, eskean segituko dute. Egun osoan, Itsaso eta Irune trikitilariek alaituko dituzte bazterrak. Gauean, Herriko Ostatuan eginen den afariaren ondotik, Modesto akordeoilariarekin gaupasa izanen da.
Inauteriak behar bezala agurtzeko, igandean, hilak 12, bazkaria izanen da.