2012-2013 ikasturterako matrikulazio kanpaina hastera doan honetan, Euskal Kultur Erakundeak, Ikastolen Elkarteak, Nafarroako Euskara Teknikarien Lanbide Elkarteak, Nafarroako Ikastetxeetako Zuzendarien Elkarteak, Sortzen Ikasbatuaz elkarteak eta Topagunea Euskara Elkarteen Federazioak manifestu komuna kaleratu dute, guraso nafarrek haien umeak D ereduan matrikula ditzaten. Euskara eta kultur aniztasuna zaintzea ere ekologiaren alde egitea dela da zabaldu nahi duten mezu nagusia.