Aurten ere euskarazko olerki bilduma osatuko du Hatsa elkarte kulturalak. Beti bezala, itxaropen haundiz olerkari andanaren lanak espero dituzte: izan idazle atrebitua, haurra edo heldua. Euskaraz idatziak izatea da baldintza bakarra. Testuak urtarrilaren 31rako igorri behar dira helbide huntarat: hatsaelkartea@aol.com Gero, Hatsaren poesiaren eguna eta olerki bildumaren aurkezpena apirilaren 1ean eginen da Larraldean.
Iaz, lehen aldikotz, Olerkarien Eguna, mundu osoan 250 bat olerkizale bildu zituen. Aurten Olerkarien egunaren bigarren edizioa martxoaren 31n iraganen da. Egun hortan, Euskal herri osoan edo bertze edozoin tokitan ere, olerki idazle edo olerkizaleari eskatuko zaie aukera dezan: gune bat, antzoki bat, taberna bat, berdin enparantza bat, bakarrik edo bertze pertsona batzuekin, maite dituen olerki edo testu poetiko zonbaiten aurkezteko.
Partehartzaile bakoitzak, non eta zer ordutan eginen luken bere aurkezpena martxoaren 20rako jakinarazi beharko lioke Hatsa Elkarteari.