Eskolako Guraso elkarteak dirua ateratzeko Eguberrietan bi sari eta bi zare zozketatu zituen: lehenbiziko zarearen sariduna Roxa izan da; bigarren zarearen sariduna Juan Antonio; hirugarren saria –Eider ileapandegian ile mozketa eta apaintzea– Elori; eta laugarren saria –Ariztegi harategian 20 euroko balea– Juaniri.
Bertzalde, aipatu bezala, eskolakoek beraien inauteriak ospatuko dituzte ortziralean: goizean ttikiek eta Lehen Hezkuntzako 1. eta 2. mailakoek ipuin kontalaria izanen dute eta gainerakoek Zubietako Juainasekin aspaldiko inauterien bideoak landuko dituzte. Eguerdi aldera bazkaria eginen dute eta ondotik, herriari buelta emanen diete mozorroturik, soinu eta joaldun ttikien laguntzaz. Txokolatada eder batekin emanen diete amaiera.