Caritasendako dirua eta jostailuak biltzeko denda paratu zen Eguberriak baino lehen, apezaren eta Rosarioren laguntzarekin. Katekesira joaten diren neska-mutikoek jostailuak bildu eta elizatarian saldu ziren eta harrera ona izan zuen. Bildutako diru eta jostailu guziak Caritasera bidali ziren. Bertzetik, San Miguel eskolako Guraso Elkarteak bertze ekimen bat abiatu du hilabete honetan. Tarazonako neska bat bihotzetik operatzeko dirua biltzea da xedea, Gizarte Asegurantzak ez baitu hori estaltzen. Dirua lortzeko tapoiak biltzeari ekin diote, biltzen den Tona bakoitzeko 200 euro eskuratuko baititu Guraso Elkarteak.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun