Laxoa Elkarteak hamabigarren urtez antolatutako paxaka txapelketaren bigarren jardunaldia jokatu zen urtarrilaren 14ean. Berdintasun handia dago bi multzotan, eta urtarrilaren 21eko hirugarren jardunaldian erabakiko dira finalerdietarako txartelak. Larunbatean honako emaitza hauek izan ziren:
A multzoan:
Irurita A (M. Garate-J.Urtasun eta JM Salaburu), 9; Irurita D (M. Ballarena, J. Etxenike eta C. Sarratea), 1
Oiz (I. Bereau, U. Zelaieta eta K. Mindegia), 7; Irurita B (X. Bazterrika, C. Iñarrea eta X. Barberena), 9
B multzoan:
Irurita E (O. Urrutia, X. Ripa eta MA Iñarrea), 9; Irurita F (M. Etxenike, I. Etxandi eta J. Ramos), 4
Irurita G (G. Etxenike, I. Zabaleta, M. Bidegain), 3; Irurita H (I. Urrutia, J. Garate eta K. Goikoetxea), 9
Gauzak honela, A multzoan berdintasun ikaragarria dago, lau taldeek bi partida jokatu eta partida bana irabazi eta galdu baitute. B multzoan Irurita Ek irabazi ditu bi partidak eta Irurita F biak galdu, baina hemen ere hirugarren jardunaldian erabakiko dira finalerdietako protagonistak.
Hirugarren jardunaldia urtarrilaren 21ean
Heldu den larunbatean, ilbeltzaren 21ean jokatuko da hirugarren jardunaldia Iruritako Aranabia pilotalekuan.
16:00etan: Irurita F – Irurita H
17:00etan: Oiz – Irurita D
18:00etan: Irurita E – Irurita G
19:00etan: Irurita A – Irurita B
Hiru jardunaldiko ligaxkaren ondotik, multzo bakoitzeko bi lehenbiziko sailkatuak finalerdietan gurutzatuko dira, urtarrilaren 28an edo otsailaren 4ean, jokalariek erabakitzen duten egunean. Final handia eta hirugarren posturako partidak berriz, otsailaren 4ean edo 11n jokatuko dira Iruritako Aranabia pilotalekuan.