Abenduaren 10az geroztik, alkate berria dute eskualdeko bortz herrik. Aranon aldeko boto guztiak jasota, Ainhoa Ansa da alkatea; Donamarian ere arazorik gabe izendatu zuten Mikel Arregi alkate kargurako; Elgorriagan Jose Ignacio Olazar izanen da alkate, baina gainerako zinegotziekin ardurak banatu eginen ditu; eta Iturenen Mari Jose Bereauk hartu du alkate ardura. Guztiak alkate lanetan lehenbiziko aldiz ariko dira. Urrozen, ordea, azken urte hauetan alkatetzan aritu den Inaxio Urrozek segituko du karguan, abenduaren 10eko kargu-hartze egunean bortz botoetatik lau hartu ondotik.