Erakurri eta Iruñarriko ibilbideak seinalizatu dituzte

Ezkurratik eta Perralekutik Erakurri mendira (1.142 metro) igo eta Au­rrehistoriako zenbait monumentu (harrespil, trikuharri…) ikusi ondotik Euskal Herriko garran­tzitsuenetakoa kontsideratua dagoen Iruñarriko menhir edo iruinarrira hurbiltzeko dauden aukera eta ibilbideak seinalizatzeko lana bukatu berri du Beñat, Txukun, Tito eta Fernandok osatutako boluntario taldeak. Gehienetan gerta­tzen den bezala, hemen ere kritikak izan dira. Batzuentzat ez du balio ibilbideak kartel eta pintura bidez zehaztea, inork ez duelako kasurik ere eginen. Beste ekologista uste batzuen arabera, be­rriz, pintura gehiegi erabilli da, «natura kaltetuz». Hala ere, boluntarioak pozik daude, dagoeneko hainbat lagunek egin baitute ibilbidea eta ba­tzuk seinalizazioa eskertu dute. Hurrengo urra­tsa, ibilbideak eta horiek egiteko behar den denbora zehazten duten panelak jartzea izanen da. Abenduaren 31n, Aztun eta Maloan kartelak ja­rri ondotik, egoera oso onean dagoen harrespila eta kobazulo bertikala topatu zituzten eta aztertzen saiatuko dira.