Urtarrilaren 13an, ostiralean afari batekin hasiko dira aurtengo inauteriak Eratsunen. Ondotik, Modesto etorriko da bere akordeoiarekin kantu kantari aritzeko. Gisa honetara abiatuko dira gure inguruko lehen inauteriak.
Larunbatean bazkaria izanen da Angel Mari Peñagarikano eta Aitor Mendiluze bertsolariekin. Arratsaldez etxez etxe ibiliko dira gazteak, bakoitzean kantatu eta dirua eskatuz. Gauean afaria eta dantzaldia izanen da Modestorekin.
Igandean, bazkaldu ondotik, euskal kantu zaharrak kantatzen ariko dira.