Urtero Ibintza Kultur Taldeak boletoak atera izan ditu. Baina aurten, joan den urteko salmenta eskasa ikusita, bertze modu batera egitea erabaki du. Iaz adina sari izanen dira, baina boletorik gabe. Lehenbiziko saria herriko komertzioek emandako eta Ibintza taldeak gehituko dituen produktuekin osatutako zarea izanen da; bigarren saria bi afari eta Ibintzak jarriko duen zare ttikia izanen da eta hirugarren saria, Altxunean bi afari.
Lehenbiziko eta bigarren sariak euskal tonbola gisara eginen dira: panel batean ehun zenbaki jarri eta zozketan sartu nahi duenak zenbakia erosi bertzerik ez du egin beharko. Erran, lehenbiziko saria Ariztegi harategian egonen dela eta bigarren saria Herriko Ostatuan. Hirugarren saria, berriz, Errege bezperako afarian zozketatuko da.