Urteko azken besta aste honetan ospatzekoa du Arkupeak jubilatuen elkarteak. Asteazkenean, abenduak 14, egina dute hitzordua eta egun horretan, ohiturari segituz, 12:00etan meza izanen da aurten hildako bazkiden oroimenez, eta ondotik, bertsolarien saioa etorriko da. 14:00etan bazkaria eginen dute kiroldegian, eta arratsaldean, 16:30etik 19:00etara, dantzaldia izanen dute Jalisko Band taldearekin. 19:15 aldera etxerako autobusa hartuko dute bazkideek.