Eguberrietako oporrak hartu aitzinetik, San Migel ikastetxeko ikasleek Olentzero eta Mari Domingiren konpainian pasatuko dute aurtengo azken eskola eguna, abenduaren 22a. Aurtengoa, gainera, berezia izanen da. Izan ere, urtero, azken egunean jaialdia egin izan da, baina aldi honetan egitaraua aldatzea erabaki da eta bertze zerbait egitea.
Eskolako ikasleak zikloka taldetan banatuta herrira aterako dira. Batzuk San Migel auzora joanen dira, bertzeak Elizagibelara, bertzeak Zazpigurutzera... Herrian barna kantari ariko dira eta kalejiraren ondotik, eliza atarian elkartuko dira denak.
Ibilbidea Olentzero eta Mari Domingirekin eginen dute. Eta aipatzekoa da, bigarren eta hirugarren zikloko ikasleek beraiek egindako Olentzeroak eramanen dituztela.
Kalejiraren ondotik, Guraso Elkarteak txistorrada antolatu du eskolan.