Eguberriak ailegatzear daude eta hori nabari da, prestaketak hasiak baitira. Abenduaren 13an eta 20an, 16:00etan Beheko Eskolan entsaioak izanen dira Olentzero etortzen denerako.
Abenduaren 22an, urteko azken eskola egunean, Mari Domingi etorriko da eskolara. Eta ezin bada eskola orduetan egin, hurrengo egunean eginen litzateke.
Abenduaren 24an, berriz, urtero bezala, Olentzero menditik etorriko zaigu. Joan den urtean bezala, bi taldetan banatuta eginen da itzulia: 8 urte artekoek eskola aldeko auzoa eginen dute eta haundiek, errepide nagusiko auzoa. Ondotik, berendua izanen da eta Olentzerori gutuna eta muxua emateko aukera izanen dute neska-mutikoek.