Abenduaren 3an, Nafarroako sokatira txapelketako azken saioa jokatu zen Igantzin. Larunbateko jardunaldian 600 kilo azpitiko gizonezko taldeek eta 390 kilo azpitiko emakumezko taldeek hartu zuten parte.
Gizonezkoen zortzinako txapelketaren bigarren saioan ere Amaiur Ak irabazi zituen tiraldi guziak eta honenbertzez, txapela jantzi zuen. Bigarren Berriozar izan zen, txapeldunen kontra izan ezik, gainerako tiraldiak irabazi baitzituen. Amaiur B izan zen hirugarren eta Txantrea laugarren.
Emakumezkoen seinakako txapelketan, berriz, Sakana nagusitu zitzaion Berriozarri.