Azken urteetan berreskuratutako ohiturari eutsiz, Santa Luziako feria antolatu du Doneztebeko Udalak abenduaren 13an. Eskulangileen erakusketarekin batera, Meza Nagusian Zilarrezko Titarea emanen dio Doneztebeko Udalak Maria Jesus Elizondo jostunari.
Astearte goizeko eskulangileen erakusketa eta salmenta 10:00etatik 14:00etara eginen da Elizako atarian. Aitziber Erasun (metalak), Santiago Hualde (egurra), Fausti Juanikorena (jantzigintza), Itziar Smith (telarrak), Jose Luis Arozena (laxoa), Malu Alvarez (zilarra), Maria Salanueva (xaboiak), Amaia Agirre (bitxiak), Andreu Smith (postalak), Carlos Mindegia (Gazta) eta Joxepa Loiarte eta Zubietako taldearen taloak izanen dira.
11:00etan hasiko den Meza Nagusian Doneztebeko Udalak Zilarrezko Titarea emanen dio Maria Jesus Elizondori.