Nafarroako bigarren mailako arpana txapelketa azaroaren 13an jokatu zen Aldatzen eta lau bikote aritu ziren nor baino nor.
Txapeldunak Julen Kañamares (Berriozar) eta Mikel Eugi (Beunza) izan ziren. Ikusgarri aritu ziren biak, lana 4 minutu eta 34 segundotan egin baitzuten, marka berria ezarriz.
Bigarrenak Alberto Oteiza (Larrageta) eta Adrian Berruezo (Ibero) izan ziren (07:17); hirugarrenak Oier Aizkorbe eta Eder Goldarazena (Berriozar) izan ziren (08:35), eta eskualdeko ordezkari bakarrak, Xabier Gallardon eta Aitor Danboriena etxalartarrak laugarren (10:55). Txapelketan parte hartu duten lehen aldia izan da etxalartarrentzat.