Urtero bezala, Doneztebeko Erreka Kirol Elkarteak Eguberrietako saski paregabea osatu du urtean zehar egiten dituen jarduerak finantzatzeko eta txartelak herriko denda eta ostatu gehienetan paratu ditu salgai.
Aurtengoa «inoiz baina potenteagoa» dela adierazi dute elkartetik, izan ere, gauza berriak sartu dituzte: Port Aventuran asteburu bat bi pertsonendako, ordenagailua (mahaikoa edo portatila, aukeratzeko), mendi bizikleta, telebista DVDarekin, Elgorriagako bainuetxean bi pertsonendako bonoa bazkaria barne, segway-en ibilaldia Leurtza Abenturaren eskutik, ardoa, likoreak, urdaiazpikoa...
Ikusmina piztu bazaizue, dagoeneko saskia ikusgai dago Ogiberri eta Casa Ostiz-en artean dagoen erakusleihoan. Erreka elkartetik eskerrak eman nahi izan dizkie saskia osatzen lagundu duten komertzio eta establezimendu guziei eta Casa Ostiz-eri, saskia erakusgai jartzeko emandako laguntzagatik.
Zozketa abenduaren 17an izanen da.