Aurtengo kultur egunak ere giro politean joan dira. Urriaren 7an hasi ziren malabare tailerrarekin eta haurren partehartze haundia izan zen. Urriaren 14an, Aire ahizpen kontzertu arrakastatsuak ikusle franko bildu zuen elizara. Jendearen gustukoa izan zen kantaldia; baita ondotik izan zen kontzertua ere. Urriaren 21eko Irungo txistularien bandaren emanaldiak eman zion akabera Kultur Egunei. Landagain eskolako haur eta gurasoekin Kultur Etxe gaina bete bete egin zen. Berez, bertso afaria izanen litzateke Kultur Egunei akabera emanen liokena, baino partehartze eskasagatik bigarren urtez segidan bertan behera gelditu zen. Sanjurjo, Ioar, eta Terre ziren Lesakatik aritzekoak eta Luze, Zili eta Gorostarzu Leitzatik. Udaberriari begira Euskara Batzordea ekitaldi gehiago prestatzen ari da.