Zenbait obra finantzatzeko dirulaguntza emanen die Nafarroako Gobernuak eskualdeko udal eta kontzejuei. Zugarramurdiko Azketa, Azketaberri eta Bexkor karriketako zolaketak lanak direla eta Udalak 57.473 euro hartuko ditu eta Lukuberikoborda egokitu eta hobetzeagatik 19.850 euro. Hilerrian konponketa lanak egiteko ere laguntza hartuko da Zugarramurdin. Sunbillako Udalak 45.572 euro hartuko ditu; Elgorriagako Udalak 11.457 euro eta Saldiaskoak 5.660 euro. Legasako kontzejuarentzat, 14.518 euro bideratuko dira.