Aspalditik esperoan egon ondotik, azkenean urte bat baino gehiago pasatu eta gero ailegatu da ADSL herrira. Lehenago zegoen sistema Wimax deiturikoa zen eta eguraldi txarrak, erraterako, nahiko eragiten zion.
Orain, berriz, kable bidez jarrita dago eta teorian behintzat, egonkorragoa izanen da eta arinago ibiliko da. Orain, urtebeteko eskaintza berezia egonen da prezioei dagokienez ADSL jarri nahi duten guzientzat. Telefonicak jartzen du azpiegitura eta nahiz eta Movistar Telefonicaren produktua izan, gero bakoitzak nahi duen konpainia aukera dezake. Espero da zerbitzu berri honekin herritarrak gustora egonen direla.