«Tafalla aldean euskarak laguntza behar du eta arrazoi bikaina da igandean Nafarroa Oinezera hurbiltzeko»

Aurten, tafallarrei tokatu zaie Nafarroa Oinez antolatzea, eta Rexu Urru­tiarekin egondu gara, gehiago jakiteko. Tafallako ikastolako zuzendaria da bera. Saldiastik orain dela 20 urte joana, irakasle. TTIPI-TTAPAko berriemaile ere izandu zen aldiz­ka­riaren hasiera­ko urte haietan; garai hartaz, oroitzapen ona duela esan digu, baina guk etorkizunera begira ja­rri, eta iganderako pres­ta­kizunez galdetu diogu.

• Zenbat urte da Tafa­llan bizi zarela?

Tafalla ondoko herri ttiki batean bizi naiz, Baldorban. Orain dela 20 urte etorri nintzen hemen etxe­ bat erosi ondoren. Etorri­ berrian, cu­rri­­ku­luma ikastolan aurkeztu eta han­dik­ gutxira, lanerako dei­tu ninduten. Atseden urte­ batzuk hartu baditut ere, hementxe nabil geroztik.

• Zer moduz bizi zara han­?

Baldorba bailara asko gustatzen zait, hemengo argia gustatzen zait. Nafarroako mendia hemen akitzen dela esan ge­nezake, beherantz joanez gero askoz zelaiagoa baita.

• Saldiasko deuseren fal­tarik sumatzen al duzu?­

Uda honetan bereziki­ hango langarra bota dut faltan, alde honetan oso eguraldi idorra egin baitu­. Eta noski, saldista­rrak­.

• Zer moduz dago euskara Tafallan?

Ikastola euskarazko eredua eskaintzen duen eskola bakarra da, eta guk matrikulazio igoera izan badugu, euskararen egoe­­ra osasuntsua dela esanen nuke.

• Karrikan zer giro dago egun hauetan?

Nabaritzen da eguna hurbiltzen ari dela. Kalean edozeinek festari buruz­ko galderak egiten dizkizu, jendea muntaia lanetan hasi da... Orain dela bi aste, ibilalditik barna, festa giroan egin zen martxa bat antolatu genuen bertako jendearen­tzat, girotzen joateko.

• Nola doaz igandeko prestakizunak?

Oso ongi, urtean zehar lana haundia egin da, eta orain azken txanpan gaude. Egunerako dena bikain prestatuta izan nahi­ dugu. Nere lanari dagokionez, koor­dinazio lane­tan ibili naiz lantalde bate­kin. Zuzendari lanetan nabilenez, kanpo harremanak, aurkez­penak, pren­­tsaurrekoak, elkarriz­ke­tak, hitzaldiak... egoki­tu zaizkit. Asko ikasi dut.

• Zer dabilkizu burutan egun hauetan?

Egia esan, eta oso gustu­koa ez izan arren, 16an eginen duen eguraldiak kezkatzen nau, adibidez. Antolaketa aldetik, be­rriz, lanean dabilen jendearengan konfidantza osoa daukat. Dena prest izanen dugu.

• Zerentzat joan behar genuke igandean Tafa­llara?

Ikastola asko haunditu da azken urteotan, eta DBHrako eraikuntza be­rri bat behar dugu. Tafa­llaldean euskarak lagun­tza behar du, eta arrazoi bikaina da urriaren 16an denak Nafarroa Oinez 2011 festara hurbiltzeko­.

• Nola ikusten duzu Nafarroa?

Topikoa bada ere, Nafa­rroan aniztasuna dela ezau­garririk garrantzi­tsue­na esanen nuke. Nik ezagutzen dudana, behintzat, eta euskarari dagokionez, oso egoera eta errealitate desberdinak ematen dira.

• Zer iruditzen zaizu Nafa­rroako Gobernuak Era­tsungo eskola itxi­ izana?­

Pena da eskola ixtea. Nere ustez, herri ttikietako eskolak zaindu beharreko altxorrak dira.

• Ba al da saldistarrari­ esan nahi zeniekeen ezer­?

Urriaren 16an Tafallan egun ederra pasatzeko aukera dutela. Ikuski­zun bikainak, jatekoa, edate­koa, musika, jolasak, apusturen bat tartean... Denetarik izanen de­la. Ani­ma­tze­­ko.