Bertsotan ikasi eta ongi pasatu nahi duzu? Bada bi aukera horiek eskainiz, helduen bertso eskola sortu nahi da Malerrekan. Bertsotan ikasi eta ongi pasatzeaz gain, sormena eta kantua lantzeko aukera ere eskaini nahi da eta bide batez, euskararekin jolasteko modua ere bai. Beraz, bertso gose hori ase nahi duenak aukera ezin hobea izanen du Malerrekan, urriaren 31 baino lehen Malerrekako Mankomunitateko Euskara Zerbitzura deitzen badu (948 451746).