Irailean ere goiti egin zuen langabeziak eskualdean. 1.101 langabe zeuden Doneztebeko Enplegu Bulegoan izen emanak irail hondarrean, hilabete lehenago baino 6 gehiago, edo bertzela erranda, %0,55 gehiago. Irailean 472 kontratu egin ziren Doneztebeko Enplegu Bulegoaren bitartez, baina horietatik 61 bakarrik izan ziren mugagabeak. Adina eta sexuari dagokienez, 25 urtez goitikoetan, gizasemeen artean goiti egin zuen langabeziak, 438tik 439ra, eta emakumeetan, aldiz, 508tik 499ra jautsi zen. 25 urtez beheitiko emakumeetan 66tik 67ra igo zen eta gizonetan 83tik 96ra.