Udazkenean sartu berriak gara eta urtero bezala, herrian hainbat ikastaro antolatu dira. Alde batetik, gimnasia ikastaroa martxan jarri da, urriaren 3an hasi ziren eta udaberrira bitarte luzatuko da. Saioak astelehen eta asteazkenetan 15:00etik 16:30etara izanen dira pilotalekuan, Daniel irakaslearekin. Oraindik izena eman nahi duenak bertara hurbiltzea bertzerik ez du egin behar.
Yoga nahiago duenak ere badu horretarako aukera. Igerilekuko aldagelen gainean dagoen Erabilera Anitzeko lokalean emanen da. Asteazkenetan 20:00etatik 22:00etara izanen dira saioak, Omkar Carabiaren eskutik. Ikastaro honetan izena eman nahi duenak 630 777130 telefono zenbakira deitu beharko du.
Beraz, bi ikastaro hauekin hezurrak zauli eta gorputza sasoian edukitzeko aukera izanen dugu herritarrok negu honetan.
Liburutegia laster zabalik
Ziberliburutegiak ere ateak irekiko dizkigu hilaren 17an. Astelehenetik ostiralera 17:30etik 19:30era irekia egonen da eta Izaskun Goñi izanen da arduraduna.