Denboraldi ona egin du Jose Antonio Loiarte herritarrak aizkoran, besteak beste, bi txapelketa ofizialetako finaletan aritu baita berriki. Alde batetik, irailaren 25ean Nafarroako II. Mailako Aizkora Txapelketako finala jokatu zuen Uharten (Nafarroa) eta honetan laugarren sailkatu zen.
Urriaren 2an, bestetik, Euskal Herriko III. Mailako Txapelketa jokatu zuen Aizarnazabalen (Gipuzkoa) eta aldi honetan hirugarren postuan gelditu zen.
Gazteagoen artean ederki moldatzen dela erakutsi du herriko aizkolariak, 50 urterekin, bi finaletan bera izan baita helduena. Egindako lanagatik zorionak!