Iturendarra dugun Gema Labaien eskultoreak Elizondoko Arizkunenea Kultur Etxean jarri ditu bere lanak. Urriaren 7an zabaltzekoa zen erakusketa eta azaroaren 3ra bitarte, astelehenetik ortziralera eta 18:00etatik 20:00etara, hantxe egonen dira ikusgai. Erakusketaren izena Elementuak da.
Elizondora ailegatu aitzinetik, erakusketa gehiago eginak ditu aurten: apirilean eta uztailean, erraterako, Castro Urdialesen eta Laredon (Kantabria, Espainia) jarri zituen bere lanak erakusgai eta uztailetik abuzturako tartean Burgosen (Espainia) ere ibili zen. Elementuak erakusketaz gain, Itsasoko kantuak, Laberintoak eta Muga izenekoak egin izan ditu.
2007az geroztik, esklusiboki eskulturara dedikatzen da Labaien eta egurrezko lan batzuk egiten baditu ere, bereziki harria da erabiltzen duen materiala.