Doneztebeko Erreka eskubaloi talde nagusiak urriaren 11n, astearte arratsaldean jokatu zuen ligako lehen partida Doneztebeko kiroldegian. Doneztebekoek itxura ederra eman zuten eta aisa menperatu zuten Lizarrako Itxako taldea, 26 eta 14.
Ligako bigarren partida igande eguerdiko 12:30ean jokatuko du Iruñeko Anaitasunan, faboritoetako bat izanen den Anaitzarraren kontra.
Seniorrekin batera, kadete mailako mutilek, infantil mailako neska eta mutilek eta alebin mailako neska eta mutilek ere heldu den larunbatean hasiko dira ligan.
Baztan futbol taldeak berdinketa
Bertze aldetik, Nafarroako Preferente mailako futbol jardunaldia ere jokatu zen Pilarika egunean. Baztanek bana berdindu zuen Arren, Aurrera Ezkabarte taldearen kontra. Iturririak egin zuen baztandarren gola.