Aurten XVIII. edizioa beteko du Nafarroako Onddo eta Zizen Kofradiaren egun haundiak Elgorriagan. Larunbat eta igande honetan, urriak 1 eta 2, Elgorriagara joaten direnek onddo eta bertzelako produktuak dastatzeko aukera paregabea izanen dute. Halere, hitzordu nagusia igandekoa izanen da.
Urriaren 1ean, larunbatean, bainuetxean inaugurazio bainua eginen da 18:30ean. 20:00etan Juanito Mariezkurrena gogoan XI. kazuela lehiaketa eginen da. Ondotik musean aritzeko aukera eta musika izanen dira.
Urriaren 2an, igande goizeko10:00etan meza ospatuko da. Ondotik kofrade berrien izendapena eginen da eta Arangurengo abesbatzak emanaldia eskainiko du.11:00etan joaldunak karrikaz karrika ibiliko dira. Aldi berean, Migeltxo Saralegi harrijasotzaileak erakustaldia eskainiko du eta aizkolariak, txistulariak eta txaranga ariko dira herriko plazan. 12:00etan Nafarroako produktu eta onddoen dastaketa eginen da bainuetxean, Arangurengo abesbatzak alaituta. 14:00etan luntx mikologikoa eskainiko da balnearioan. 17:00etan eginen den ibilbide ludiko-termalarekin akituko da Onddo eta Zizen Kofradiaren asteburu berezia.