Asteburu honetan, urriak 1 eta 2, animalien besta iraganen da Saran. Ateak 10:00etan irekiko dira eta 18:00etan hetsiko. Bi egunetan animazio andana proposatuak izanen dira baserriko, etxeko eta mendietako animaliak deskubritzeko, baina baita ingurumenarekin lotuak ere: ibilaldiak, mintzaldiak, demostrazioak...
Larunbat eguerdian zintzur bustitze bat izanen da besta irekitzeko: sagarno eta pintxo dastatze bat. Eskualdeko ekoizeek ere beraien produktuak eskainiko dituzte: euskal pastiza, sagarno, ardi gasna, ezti eta bertze ainitz.
Manifestazio osoan ostatu bat ere izanen da edari eta taloekin. Sartzea urririk da.