Arkupeak elkarteak antolatutako mus txapelketaren azken fasea jokatu zen irailaren 9an Elgorriagako balnearioan. Herri gehienetan, aitzinetik jokatu ziren hasierako faseak eta horietan garaile izandakoak bildu ziren Elgorriagan, 32 bikote. Azkenean, Doneztebeko Joakin Illarregik eta Jesus Mangadok lortu zuten txapela, eta Bixente Jauregi eta Mikel Bildarraz leitzarrak suertatu ziren azpitxapeldun. Hirugarren postua Timoteo Iguzkiagirre eta Santiago Iparragirrerentzat izan zen eta laugarrena, Tomas Goia eta Eusebio Gonzalezentzat. Bi bikote hauek aranztarrak dira.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun