Udako oporraldiaren ondotik, San Migel eskolan eta Mendaur institutuan itzuli dira egunerokora. Guztira 526 lagunek hasi dute ikasturtea, iaz baino 18 ikasle gehiagok. Ikasle horietatik 127 Haur Hezkuntzakoak dira, 217 Lehen Hezkuntzakoak eta 182 Bigarren Hezkuntzakoak.
Hizkuntza ereduei dagokienean, ikasleen %91,8ak D eredua aukeratu du, %5,7ak A eredua eta %2,5ek B.
Haur Hezkuntza
3 urteko 40 neska-mutiko lehenbiziko aldiz joan dira aurten eskolara, 39 dira D ereduan eta bakarra B ereduan. 4 urtekoak 45 dira, 40 D ereduan, hiru B ereduan eta bi A ereduan. 5 urtekoak, azkenik 42 dira, 40 D ereduan eta bana B eta A ereduetan.
Lehen Hezkuntza
Lehenbiziko mailan 30 dira D ereduan, bi B ereduan eta hiru A ereduan. Bigarren mailan 41ek D eredua aukeratu dute, batek B eredua eta hiruk A eredua.
Hirugarren mailan 39 dira D ereduan eta bina B eta A ereduetan. Laugarren mailan, berriz, 27 neska-mutikok egin dute D ereduaren alde eta bakarrak Bren alde.
Bosgarren mailan 27 dira D ereduan, lau A ereduan eta bakarra B ereduan. Seigarren mailan, azkenik, 28 dira D ereduan, zazpi A ereduan eta bakarra B ereduan.
Bigarren hezkuntza
Bigarren Hezkuntzako lehenbiziko mailan 39 dira D ereduan eta bortz A ereduan; bigarrenean 42 dira D ereduan eta hiru A ereduan; hirugarren eta laugarren mailetan guztiak D ereduan ari dira, 29 hirugarrenean eta 44 laugarrenean.