Irailaren 28an, asteazken arratseko 20:00etan botako diren altxaferoekin eta ezkil jotzearekin abiatuko dira Urrozko San Migel bestak. 21:30ean zopak banatuko dira Herriko Ostatuan. 00:30ean dantzaldia izanen da AGERRALDE akordeoilariarekin.
San Migel egunean irekiko da argazki zaharren erakusketa
Irailaren 29an, ortzegunean, San Migel eguna ospatuko da. 11:30ean Meza Nagusia izanen da. 12:30ean herri kirolak jokatuko dira herriko gazteen artean. Ondotik herriko argazki zaharren erakusketa irekiko da. 13:30ean zizka-mizkak izanen dira Herriko Ostatuan Udalaren eskutik herritarrentzat. 17:00etan Gorriti eta bere animalien saioa izanen da ikusgai. Ilunabarrean patata tortilla lehiaketa eginen da. Bitartean eta gauez dantzaldia JOXEANJEL akordeoilariarekin.
Ortziralean herri bazkaria bertsolariekin
Irailaren 30ean, ortziral goizeko 11:30ean mus txapelketa hasiko da. 14:30ean herri bazkaria eginen da bertsolari eta txiste kontalariekin. Bertsolariak Anjelmari Peñagarikano eta Iker Zubeldia izanen dira. Arratsaldez eta gauez dantzaldia izanen da AGERRALDErekin. 22:00 aldera afaria plazan zingar eta ziztorrarekin.
Larunbatean Haurren Eguna
Urriaren 1ean, larunbatean, Haurren Eguna ospatuko da. 11:00etan haurrendako jokoak izanen dira. 12:00etan mus txapelketaren finala jokatuko da. 17:00etan gazteen arteko pilota partidak. 18:00etan herritarren arteko jokoak. Arratsaldez eta gauez dantzaldia LAIOTZ taldearekin.
Igandean aizkora apustua
Urriaren 2an, igande goizeko 11:30ean puzgarriak eta kart autoak izanen dira frontoian. 13:00etan aizkora apustua: Arkaitz Olano eta Raul Kastro, Mugertza anaien kontra ariko dira. Arratsaldez, 17:30 arte puzgarriak eta autoak izanen dira. 17:30ean trikitilari gazteen emanaldia. 20:00etan dantzaldia AGERRALDE akordeoilariarekin, jendea nekatu arte, eta bestei agurra.