Euskal Herriko hainbat herri kirol txapelketa jokatu dira azken aldian eta guztietan ibili dira fin eskualdeko kirolariak.
Txinga eramateko txapelketan bigarren postua eskuratu du Mielanjel Sukuntza leitzarrak. 21 plaza eta 10,33 metro eginez, erraz hobetu du joan den urteko bere marka (16 plaza. 1/2, 6,5 metro).
Gizonezkoen Maila Nagusiko Trontza Txapelketan, iaz bezala,hirugarren gelditu dira Igor Lasaga beratarra eta Jabier Galarregi etxalartarra. Lanak 15 minututan eginez, iazko denbora 56 segundotan hobetu dute.
Emakumeen Trontza Txapelketan Berako Nerea Sorondo eta Amaia Gartzia bigarren sailkatu dira, 05:39ko denbora eginez.
Lasto-jasotzeko txapelketan igantziarren lana aipatzekoa da. Iaz bezala, bigarren gelditu da Iñaki Bereau (22 jasoaldi+segundo 1); hirugarren Karlos Sein izan da (21 jasoaldi+3 segundo), bederatzigarren Oskar Telletxea (19 jasoaldi+4 segundo); hamabigarren Arkaitz Retegi (12 jasoaldi) eta hamalaugarren Eneko Telletxea (11 jasoaldi).
Orga Joko Txapelketan, seigarren eta zazpigarren postuak Joseba Petrirena beratarrentzat (2 itzuli eta 1,50 metro) eta Lazaro Bujan leitzarrarentzat (1 itzuli, 1/2, 6,20 metro) izan dira, hurrenez hurren. Jabier Galarregi ere aritzekoa zen, baina ez zuen parte hartu.