Mendi abesbatza jende bila dabil. Adin eta ahots guztietako jendearen beharrean daude, izan gizonezkoak edo izan emakumezkoak. Baina batez ere, gizonezkoak eta mutil gazteak behar dituzte. Ez dute solfeo edo musika ikasketarik eskatzen, eurek diotenez, «ez baikara eliteko abesbatza». Kantatzeko eta ongi pasatzeko gogoa izatea dira eurentzat garrantzitsuenak. Urriaren 5ean hasiko dira entsaioekin, Doneztebeko Karrika Nagusiko 9. zenbakian, beheitiko solairuan eta nahi duen guztia ongietorria izanen dela jakinarazi dute. Informazio gehiagorako: 656 837233.