Eguneko zentroa eraikitzeko lanak bide onetik doaz. Izan ere, lehenbiziko fasean egitura egin ondotik, orain bigarren faseari ekin diote. Udalak Mariezkurrena enpresari esleitu dio obra, 360.000 eurotan eta hau hasia da lanean. Egitura itxi eta teilatua ematea izanen dira bigarren fase honetan egin beharrekoak eta azarorako egina egon beharko du.
Futbol-zelai berria urrirako
«Futbol-zelaiko obraren erditsua egina dago». Halaxe baieztatu dio Miguel San Miguel alkateak TTIPI-TTAPAri. Joan den astean hasi ziren belarra paratzen eta dena ongi joanez gero, urri erdialderako futbol-zelaia prest egonen litzateke. Belarraren ondotik, itxiturak eta aldagelak egin beharko dituzte. Dena den, alkateak adierazi duenez, hasiera batean aldagelak prefabrikatuak izanen dira. Bigarren fasean eginen dira behin betikoak.