Ekitaldiz beterik datoz aurtengo besta ttikiak, Gazte Burrunba taldeak adin guztietako jendearendako egitaraua osatu baitu irailaren 23 eta 24rako. Udalaren eta herriko ostatuen laguntzarekin. Horrez gain, 24an, Nafarroako nekazaritzaren eguna eginen da, UAGNek antolatuta eta bezperan merkatariak karrikara aterako dira.
Irailak 23, ortzirala
• 10:30etik aitzinera, egun guztian, Doneztebarrak Merkatari Elkartearen eskutik Udazkeneko Merkatua Intzakardi karrikan. Merkatariek promozio bereziak eskainiko dituzte. Argazki erakusketa ere egonen da eta arratsaldean, haurrendako jolasak izanen dira.
• 19:00 aldera pintxoak plazoletan.
• 20:00etan Herriko Etxetik altxaferoa botako da Erreka Pilota Eskolaren eskutik.
• Horren ondotik, karrikadantza izanen da trikitixekin.
• 21:30ean Gazte Burrunbaren zopa-jatea Santa Maria jatetxean. Izen-ematea Santa Marian egin behar da irailaren 21a baino lehen.
00:30etik 03:30era dantzaldia AGERRALDE akordeoilariarekin.
Irailak 24, larunbata
• 11:00etatik aitzinera egun guztian, Nafarroako UAGN sindikatuaren eskutik, Nafarroako Nekazaritzaren Eguna: 11:00etan meza Eduardo Zubikoa tenorearekin eta Andrea Jimenez sopranoarekin; 11:45ean Zubietako joaldunak; 12:00etan Nafarroako produktuen erakusketa eta dastaketa, haurrendako tailerrak, kalejira Iruñeko Txaranga Jaiak-ekin, azienda erakusketa eta puzgarriak; 12:30ean mexikarrak; 13:00etan dastaketa dohainik; 13:30ean herri kirolak...
• 13:00etan trikipoteoa, plazoletatik abiatuta.
• 14:30ean Gazte Burrunbaren bazkaria Santa Maria jatetxean. Izen-ematea jatetxean irailaren 21a baino lehen.
• Bazkalondoa trikitixa doinuek alaituko dute.
• 17:30ean erremonte partida frontoian.
• 18:00etan Erreka Dantza Taldearen erakustaldia frontoian.
• 20:00etatik 22:00etara eta 00:30etik 03:30era dantzaldia GABEZIN taldearekin.