Sara eta Etxalarko Udalen arteko hitzarmena

Ibantelitik Hiru Muga bitarteko eremuan, osotasunean eta integralki ordenatze­ko akordioa sinatu zuten hilaren 4an Sara eta Etxalarko Herriko Etxeek. Horre­ta­rako, dokumentatu egin dituzte usoak Etxalarko sareetara hurbiltze­ko Sarako dermioetan dauden bederatzi trepak. Migel Mari Irigoien eta Jean Battite Laborde Etxalar eta Sarako alkateek sinatu zuten agiria. Irigoienek aipatu zuenez, «dokumen­tu honekin errespetua eman nahi diegu inguruotan ibiliko diren mendizaleei, sa­reetan ariko diren usazaleei eta eskopetarekin arituko diren ehiztariei, denak gaur egun indarrean dagoen ehizaren legearen barrenean daudela­ko». Aldi berean, ingurume­narekin eta legez babestuak diren hegaztiekin errespetua izateko eskatu zuen.