Irailaren 8an, ostegun goizeko 09:00etan botako den txupinazoarekin abiatuko dira Eratsungo Lokariko Amabirjinaren bestak. Ondotik txistulariak herrian barna ibiliko dira, festei hasiera emanez. 12:00etan Meza Nagusia Lokariko Amabirjinaren ohorez. Ondotik luntxa. 13:00etan aizkora apustua: Erasun eta Larretxea, Rekondo eta Saralegiren aurka ariko dira. 17:30ean pilota partidak. Afizionatu mailako bi partida jokatuko dira: lehenengoan, lau t’erdian, Armendariz eta Urdaniz eta bigarrenean, Bendoiro eta Azanza, Juanenea eta Lukinen aurka. Arratsaldez eta gauez dantzaldia MODESTO akordeoilariarekin.
Mus eta frontenis txapelketak ostiralean
Irailaren 9an, ostiralean,10:00etan argisoinuak izanen dira txistulariekin. 11:00etan herriko mus txapelketa. Bikote txapeldunak bildots bana eramanen du; bigarrenak bina txuleta eta bina botil ardo eta hirugarrenak bina txuleta. 17:00etan herriko frontenis txapelketa (zozketaren bidez osatuko dira bikoteak). Arratsaldez eta gauez dantzaldia MODESTO akordeoilariarekin.
Zikiro jatea larunbatean
Irailaren 10ean, larunbat goizeko 10:00etan argi soinuak izanen dira txistulariekin. 14:00etan zikiro jatea. 18:00etan Doneztebeko Erreka Dantza Taldearen saioa. Arratsaldez eta gauez dantzaldia OBANAUKE taldearekin.
Tortilla lehiaketa, umeendako jokoak eta pilota igandean
Irailaren 11n, igande goizeko 10:00etan ere argisoinuak izanen dira txistulariekin. 11:30ean tortilla lehiaketa oeta ndotik dastaketa. Goizez umeen parkea jarriko da gaztelu puzgarriekin. Arratsaldean umeendako jokoak. 18:00etan pilota partidak: lehenengo partidan, lau t’erdian, Ansotegi eta Pazos ariko dira eta bigarrenean, Garralda eta Landiribar, Urdaniz eta Azanzaren kontra. Arratsaldez dantzaldia izanen da MODESTO akordeoilariarekin, bestei bukaera emanez.