Aurten ere agorrileko lehen hiru asteetaz aparte, ez da ikaragarriko mugimendu haundirik sumatu herrian duela hamar edo hogoi urte bezala. Oro har, jende gutiago ibili da udan apailatzen diren arratseko ekitaldietan, ostatuetan eta bisita guneetan. Aintzira, ahatik, biziki untsa bete da zonbait egunez. Ondoko asteetan udaren irakurketa zehatza eskainiko du turismo bulegoak bainan saltzaile gehienek gauza bera diote, aurtengo udatiarrek diru biziki guti gastatu dutela gure herrian.