Hilabete mugituak izanen dira iraila eta urria Arkupeak Elkarteko bazkideentzat. Asteazken honetan Arantzazura eta Loiolara egitekoa zuten irteeraren ondotik, hilaren 14an, Gurutze Sainduaren Egunean Lezora joanen dira. Goizean meza entzun ondotik, kirol jaialdia izanen dute eta ondotik, Hondarribian bazkalduko dute. Dantzaldia ere izanen dute eta 20:00etan hartuko dute etxerako bidea.
Ondotik eginen dute bidaia Madril aldera joateko izanen da. Irailaren 16tik 23ra eginen dute egonaldia eta Madril ez ezik, inguruak ezagutzeko aukera izanen dute.
Irailaren 29tik urriaren 13ra, berriz, Benidormera joateko irteera antolatu dute.
Aurreikusia duten hurrengo irteera Lodosa eta Lizarrara da. Kontserbak bisitatutakoan bazkaldu eginen dute.
Zuzendaritza berria
Uztailaren 1az geroztik, Pedro Bañares doneztebarra da Arkupeak elkarteko lehendakari berria. Berekin batera, hauek dira zuzendaritza batzordea osatzen dutenak: Ezkurrako Fernando Etxeberria lehendakariordea, Mª Isabel Mitxeltorena doneztebarra idazkaria, Joxe Oronoz iruritarra diruzaina eta bokalak : Juana Mª Bertiz (Donamaria), Pakita Mikelarena (Legasa), Gemma Gamio (Doneztebe), Jose Mª Irazoki (Bera) eta Jose Luis Legarra (Doneztebe).