Usopop musika jaialdia eginen dute larunbatean Lizarrieta lepoan. Euskal Herriko eta kanpoko taldeak ariko dira, eta antolatzaileen hitzetan musika independentea egiten duten musikariak izanen dira, hala hola, François and the Atlas Mountains, The Suicide of Western Culture, Mars Red Sky eta Euskal Herriko Mobydick eta Mursego.
18:00etan hasiko dira ekitaldiak. Hasteko animazioak izanen dira haurrentzat, eta ondotik, Lizarrietako oihanean ibilaldi bat egin, eta kontzertuek hartuko dute lekukoa. Dantzak ere ukanen du lekua, Arantxa Lannes koreografo eta dantzariarekin.