Beintza-Labaiengo bestak abuztuaren 5etik 9ra ospatzen ari dira eta ortziral arratseko 20:00eta bota zen altxaferoarekin hasi ziren. Ondoren kalejirak egin zen txistulariekin Beintzan. 21:00etan zopak, Itturrondo elkartean eta herriko ostatuan. Gauez dantzaldia.
Astelehenean mus txapelketa eta tortilla eta postre lehiaketa
Asteburuko ekitaldi jendetsuen ondotik, abuztuaren 8an, astelehen goizeko 11:00etan Beintzan kalejira eginen da txistulariekin. 11:00etan Plater-tiroketa. 17:00etan Mus txapelketa. 21:00etan Tortilla eta postre lehiaketa. Arratsaldez eta gauez dantzaldia Joxe Anjel akordiolariarekin.
Asteartean aizkolari beteranoak eta herri bazkaria
Abuztuaren 9an, asteartean, Labaienen, txistulariekin kalejira eginen da Labaienen. Eguerdian, aizkolari beteranoen arteko aizkora apostua jokatuko da: Larrea eta Irutxinberri. Josetxo Urrutia ere ariko da harri jasotzen. 14:00etan kantu zaharrekin girotutako herri bazkaria eginen da. Bazkal ondoren karrika ronda txistulariekin. Arratsaldez eta gauez dantzaldia Joxe Anjel akordiolariarekin. Gauerdian Gaixoa ni besteei bukaera emanez.