Joan den ekainaren 26an, Sara Korrika elkarteko 23 kideetatik 20 ek Mont Blanc gailurreko maratoian parte hartu zuten. Izenak dioen bezala, lasterketak 42 kilometroko luzera ditu, Chamonixetik Planprazera, hainbat lepo igan beharrez. Bi mila lasterkalari abiatu ziren goizeko 07:00etan eguzkipean. Abenduan abiatutako ametsa bete dute saratarrek. Alpeetako bazter zirraragarriak bisitatzeko asmoarekin, bezperatik ailegatu ziren saratarrak.
Lasterketa benetan ona egin dute. Horra emaitza esanguratsuenak: Fabrice Latapy 49. (irabazlearengandik ordu batera), Philippe Vaquié 80. (ordu 1 eta 13 minutara), Claude Etchegaray 232. (ordu bat eta 48 minutura) , Benat Saint Martin 335., Daniel Iramuno 358. Aguxtin Indart 374. eta Jean Imaz beteranoaren 1729. tokia.
Azpimarratzekoa da ere Ezpeletako Kaskoen lasterketan lorturiko bi emaitza bikainak. 14 kilometroko lasterkaldian Pantxo Saint Martin juniorrak 37. bukatu du eta 7 kilometrokoan Ximun Garcia Basurko izan da garaile. Senpereko bestetako lasterketan ere emaitza ederrak izan dira Jakesek 5. bukatu duelako, Ximunek 6. eta Pantxok junior mailan irabazi duelako. Aupa gazteak.