Hiri hondakinen egutegiak Kanarietara joateko zenbaki saridunak ditu

TTIPI-TTAPA 2011ko uztailaren 21a

Birziklapenaren inguruko hainbat aholku emanez eta inguruko paisaiak bilduz Baztan, Bortziriak eta Malerrekan, Hiri-Hondakinen Mankomunitate edo udalen eskutik urte hasieran banatu ziren egutegiek zeramaten zenbakien zozketa egin zen ekainaren 30ean Donezteben. Hain zuzen, irailean bi lagunentzako Kanariar Uharteetan aste bateko egonaldiaren zozketa egin zen. Hiru zenbaki atera dira: 9026; 5927 eta 9447. Saritua zenbaki baka­rra da, 9026a, eta lehendabiziko zenbaki hori agertzen ez bada, bigarrenak eramanen du saria, 5927ak eta bertzela, hirugarrenak, 9447ak. Hiru kasuetan, uztailaren 31 baino lehen deitu beharko da Bortzirietako Hiri-Hondakinen Mankomunitateko 948 635254 telefonora.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun