Hasi dira Euskal Herriko Herriarteko pilota txapelketako kanporaketak. Doneztebek Nafarroakoa irabazi ondotik ongi ekin dio kanporaketei. Gernikaren aurka irabazi zuen 2-1 eta 17 tantoko errenta atera zien bizkaitarrei.
Txapelketa honetan kadete, jubenil eta senior mailako partidak soilik jokatzen dira. Nafarrokoan infantilen mailako partidak ere jokatzen baitira. Kadete mailan Doneztebeko Telletxea-Aldabek 22-19 irabazi zieten Ordoki-Etxeberria bikoteari.
Ez zuen kadeteen mailako emoziorik izan jubenilen arteko partidak. Maia-Lasa Doneztebeko bikoteak 22-7 irabazi baitzieten Arrizabalaga-Etxeberria gernikarrei.
Senior mailako partidan soilik lortu zuten garaipena bizkaitarrek. 22-21eko emaitzarekin bukatu zen partida. Doneztebetik Oronoz-Madariaga bikotea aritu zen eta Gernikatik Ayo-Irusta. Maila oso oneko partida izan zen azken hau.
Uztailaren 15ean, ortzirala, jokatuko dute itzuliko partida Gernikan 18:30etik aitzinera. Gernikarrek maila oneko jokua egin beharko dute 17 tantoko aldeari buelta eman eta finalera sartu nahi badute.