Aste buru polita bezain hunkigarria iragan da berriki Zugarramurdiko ezker paretan. Koanenbordako Manuel Iturria eta Marie Larretxea haren esposaren ondorengoak bildu ziren, Iturria izena duten 150 pertsona, hain zuzen. Izan ere, Manuel eta Mariek zazpi haur ukan dituzte eta 30 haurttipi. Jendea Euskal Herri osotik etorria zen baita Espania, Frantzia eta Ameriketatik ere.
Ondoko erronka Iruñeko artxiboetara joaitea izanen dute, lana segitzeko eta ondoko bazkarietan jende gehiago elkartzeko.