Ituren eta Aurtizko ordezkaritzak aurten ere ez du hutsik eginen Iruñeko sanferminetan jokatuko diren herri kirol txapelketa eta erakustaldietan.
Joakin Aioroak, erraterako, Nafarroako Ingude Altxatze txapelketan parte hartuko du uztailaren 14an. Joan den urtean lortutako Nafarroako txapela aurten errepikatzen ahaleginduko da Aioroa.
Baina horren aitzinetik, Ander Erasun eta Maika Ariztegi aizkoran ariko dira. Uztailaren 11n eginen den erakustaldian Ariztegik parte hartuko du. Emakumezkoen Txinga Txapelketan ere ariko da egun berean.
Biharamunean, Erasun ariko da aizkoran, erakustaldia eskainiz. Saioak 12:00etan hasiko dira Foru Plazan.