Egun haundia ospatu du Erreka Elkarteak

Denboraldia agurtzeko egun handia ospatu zuen Erreka Kirol Elkarteak ekainaren 18an. Bezperan ere izan ziren zenbait ekitaldi, elkarteko bortz kidek Ekua­dork­o Andeetara egindako mendiko espedizioari buruzko proiekzioa eta mus txapelketa­, erraterako. Mus txapelketan 30 bikote aritu ziren eta Jon Apeztegiak eta Aritz Ba­lez­tenak eskuratu zituzten bi urdaiazpikoak, finalean Leire Amoros eta Lander Er­ki­ziari irabazita. Baina egun handia larunbata izan zen. Goizez, kategoria ttikietako­ neska-mutikoak aritu ziren eskubaloian eta judo esko­la­koek ere erakustaldia eskai­ni zuten. Arra­tsaldez, eskubaloiak segitu zuen eta ikusmin handiko partidekin gainera. Lehenik, mutiko kadeteak aritu ziren eta gero, Erreka B taldea, garai bateko joka­larien kontra aritu zen. Azken hauek esku­baloian aritzea ez zaiela atzendu erakutsi zuten partida irabaziz. Gero, Errekako talde nagusia, talde handietan aritzen diren jokalariek osatutako Izarren ekipoaren kontra aritu zen. Etxekoek 29-44 galdu zuten. Dan­tza­ taldeak ere eskaini zuen bere emanaldia eta arra­tsean bestak segitu zuen Santa Luzia plazan, afariarekin eta Jalisko Band tal­dea­re­kin izandako gaupasarekin. Afalondoan, Errekaren himnoa sortu zutenei, Joxe, Ainhoa, Cecilia, Mariñe, Zunzarren eta Mikel Rekarteri omenaldia eskaini zitzaien. Aipatu, bertzetik, Errekako Jabier Apeztegia eta Iñigo Oskoz Euskadiko txapeldun izan direla Nafarroako eskubaloi selekzioarekin kadete mutiletan. Jubenil nesketan, aldiz, Ana Mindegia doneztebarra ere Euskadiko txapedun izan da.