Ekainaren 30, ortzeguna, eta uztailaren 1, ortziralean iritsiko da nazioarteko uretara Askatasunaren Flotilla osoa. Munduko 45 herrialdetako itsasontzik hartuko dute Gazarako bidea. Blokeatutako Gazara 5.000 toneladako laguntza eramanen dute, giza launtzaz gain, eraikitzuntzako materiala, hezkuntzarako materiala eta osasun zerbitzuak hobetzeko materiala daramate.
‘Rumbo a Gaza’ kanpainaren barruan abiatu zen ekainaren hasieran Askatasunaren Flotilla Gazara bidean bigarren urtez. 2010ean Israelgo itsas armadak erasotu ondotik ez zuten laguntza iristarazterik lortu. Akatasunaren Flotillaren helburua, Gaza eta Palestinara laguntza humanitarioa ematea eta jendeari bertako egoeraren berri ematea da.
Askatasunaren bigarren Flotilla honetako parte da Nekane Perez beratarra. Nafarroa Baiko legebiltzarkidea ‘Rumbo a Gaza’ espedizioko Gernika itsasontzian doa. Perezekin batera bertze bi euskaldun joan dira Miguel Angel Zuluaga eta Edorta Jimenez idazlea.