Ekainaren 25ean, larunbata, jokatu zen Zumarragan Gipuzkoako Foru Aldundiaren 2011ko II. Erremonte Kopa. Uterga- Urrutia eta Zeberio II-Etxeberria III bikoteak izan ziren aurrez aurre Zelai Aristi frontoian.
Ikusleak partidaz gozatzeko aukera izan zuten, lau pilotariek maila bikaina erakutsi baitzuten. Uterga eta Urrutiak lortu zuten 40ra iristea, txapelak Doneztebe eta Saldiasera ekarriz.
Azken txanpara arte emozioa nagusitu zen partidan, baina azken hamar tantoetan urdinak nagusitu ziren txapela irabaziz.
Jaialdiko lehen partidan Matxin IV-Urkok 30-23 irabazi zieten Etxabe II-Agirrezbalari.